-ប្រជុំសំណេះសំណាលជាមួយក្រុមប្រឹក្សាខេត្ត​ ក្រុង-ស្រុក​ និងក្រុមប្រឹក្សាឃុំ-សង្កាត់

-នាព្រឹកថ្ងៃទី១២ ខែ១២​ឆ្នាំ២០០៩​នៅទីស្នាក់ការគណបក្ស​សម​រុង្សី​ខេត្តបន្ទាយមានជ័យ​បានធ្វើការប្រជុំក្រោមអធិបតីភាព​ឯកឧត្តម​យឹម​សុវណ្ណ​ឯកឧត្តម​គឹមសួ​ភីរិទ្ធ​ជាសមាជិកគណៈកម្មាធិការអចិន្រ្តៃយ៍គណបក្ស​ក្នុងនោះដែរក៏មានវត្តមាន​លោក​ជា​គឹមលី​និងឯកឧត្តម​យន្ត​ថារូ​ជាប្រធានគណបក្សខេត្ត​ដែលមានវត្តមានចូលរួមពីសមាជិកក្រុមប្រឹក្សាខេត្ត​សមាជិកក្រុមប្រឹក្សាក្រុង-ស្រុក​និងសមាជិកក្រុមប្រឹក្សាឃុំ-សង្កាត់។​

ក្នុងឱកាសនោះដែរ​ឯកឧត្តម​យន្ត​ថារូ​បានមានមតិសំណេះសំណាល​និងប្រកាសបើកកម្មវិធី។​ឯកឧត្តម​គឹមសួ​ភីរិទ្ធ​និងឯកឧត្តម​យឹម​សុវណ្ណ​មានមតិសំណេះសំណាលជាមួយក្រុមប្រឹក្សាដោយលើកយកបទពិសោធន៍​ព័ត៌មានថ្មីៗ​និងអនុសាសន៍ល្អៗចែកជូនដល់អង្គប្រជុំដើម្បីជួយធ្វើការផ្សព្វផ្សាយបន្ត​។​ឆ្លៀតក្នុងឱកាសនោះ​លោក​ជា​គឹមលី​ក៏បានលើកឡើងអំពីការតស៊ូនិងជីវិតនយោបាយរបស់លោក​ជាមួយគណបក្ស​ហើយលោកក៏បានជួយជាអនុសាសន៍មួយចំនួនដល់អង្គប្រជុំផងដែរ។​បន្ទាប់ពីគណៈអធិបតីមានមតិចប់​អ្នករៀបចំកម្មវិធីក៏បានប្រគល់តួនាទីដល់​អ្នកចូលរួមដើម្បីសួរជាសំនួរទៅគណៈអធិបតី។​ឯកឧត្តម​យន្ត​ថារូ​ក៏បានប្រកាសបិទកម្មវិធី​និងពិសារអាហារសាមគ្គីរួមគ្នានៅទីស្នាក់ការគណបក្សខេត្ត​ប្រកបដោយបរិយាកាសរីករាយ​និងស្និទ្ធស្នាលក្រៃលែង៕

-ការចុះសួរសុខទុក្ខសកម្មជន

នៅឃុំតាគង់ ស្រុកម៉ាឡៃ​លោក កែរ​សម្ផស្ស តំណាងឲឯកឧត្តម​យន្ត​ថារូ ​ជាប្រធានគណបក្សខេត្ត និងថ្នាក់ដឹកនាំគណបក្ស ស្រុកម៉ាឡៃ បានចុះជួបគ្រួសារសព លោក ប៊ួយ​ភាព ​ប្រធានគណបក្ស ឃុំតាគង់ ដែលទើបនិងទទួលមរណះភាពនៅដើមខែវិច្ឆិកា។​បន្ទាប់មកថ្នាក់ដឹកនាំខេត្ត​និងថ្នាក់ដឹកនាំស្រុកបានជួបជាមួយសកម្មជនដ៏ទៃទៀត។

-កម្មវិធីឯកឩត្តម​ យន្ត​ ថារូ ចុះខេត្តបន្ទាយមានជ័យ

នៅថ្ងៃទី០៩​ ខែតុលា នេះឯកឩត្តម​ យន្ត​ ថារូ​ បានចុះប្រជុំការងារនៅតាមស្រុក-ក្រុង​ ដូចកម្មវិធីខាងក្រោមៈ
ថ្ងៃទី០៩​ ខែតុលា​ ឆ្នាំ២០០៩
-ម៉ោង​ ១៤​ រសៀល​​ ជួបប្រជុំការងារជាមួយក្រុមប្រឹក្សាបក្សឃុំ​ នឹងក្រុមប្រឹក្សាបក្សស្រុកមង្គលបូរី​ ។
ថ្ងៃទី១០ ខែតុលា​ ឆ្នាំ២០០៩
-ម៉ោង ០៩​ ព្រឹក ជួបប្រជុំការងារជាមួយក្រុមប្រឹក្សាបក្សឃុំ​ នឹងក្រុមប្រឹក្សាបក្សស្រុកព្រះនេត្រព្រះ។
-ម៉ោង ១៣​ រសៀល ជួបប្រជុំការងារជាមួយក្រុមប្រឹក្សាបក្សឃុំ​ នឹងក្រុមប្រឹក្សាបក្សស្រុកស្វាយចេក។
-ម៉ោង ១៥​ រសៀល​ ជួបប្រជុំការងារជាមួយក្រុមប្រឹក្សាបក្សឃុំ​ នឹងក្រុមប្រឹក្សាបក្សស្រុកថ្មពួក។
- ថ្ងៃទី១១ ខែតុលា​ ឆ្នាំ២០០៩
-ម៉ោង ០៨​ ព្រឹក ជួបប្រជុំការងារជាមួយក្រុមប្រឹក្សាបក្សឃុំ​ នឹងក្រុមប្រឹក្សាបក្សស្រុកម៉ាឡៃ ស្រុកអូរជ្រៅ នឹងក្រុងប៉ោយប៉ែត​។
-ម៉ោង ១៤​ រសៀល ជួបប្រជុំការងារជាមួយក្រុមប្រឹក្សាបក្សឃុំ​ នឹងក្រុមប្រឹក្សាបក្សស្រុកភ្នំស្រុក​។
- ថ្ងៃទី១២ ខែតុលា​ ឆ្នាំ២០០៩
-ម៉ោង ០៨​ ព្រឹក ជួបប្រជុំការងារជាមួយក្រុមប្រឹក្សាបក្សឃុំ​ នឹងក្រុមប្រឹក្សាបក្សក្រុងសិរីសោភ័ណ​ ។
-ម៉ោង ១០ ព្រឹក ជួបប្រជុំការងារជាមួយក្រុមប្រឹក្សាបក្សខេត្ត​ ក្រុមប្រឹក្សាខេត្ត​ នឹងក្រុមប្រឹក្សាស្រុក-ក្រុង។
បញ្ជាក់ៈ
ឯកឩត្តមប្រធានគណបក្សខេត្តក៏បានជួយបរិក្ខារ ថវិកា១៥០​ ០០០រៀល​ នឹងត្រៃចំនួនមួយលៀងត្រៃ គ្រប់ស្រុក-ក្រុង សំរាប់កម្មវិធីបុណ្យកឋិនទាន​ សរុបចំនួន១០វត្ត៕​

-ការប្រជុំប្រចាំខែរបស់ក្រុមប្រឹក្សាគណបក្សខេត្ត

កាលពីថ្ងៃសៅ​ទី១២​ខែកញ្ញា​ឆ្នាំ២០០៩​នៅទីស្នាក់ការគណបក្សខេត្តបន្ទាយមានជ័យ​បានរៀបចំកិច្ចប្រជុំប្រចាំខែ​របស់ក្រុមប្រឹក្សាគណបក្សខេត្ត​សមាជិកក្រុមប្រឹក្សាខេត្ត​សមាជិកក្រុមប្រឹក្សាក្រុង-ស្រុក​និងសមាជិកក្រុមប្រឹក្សាសង្កាត់​ក្នុងក្រុងសិរីសោភ័ណ​។​

​​​​របៀបវារះ​៖

១-ការរាយការណ៍របស់ក្រុមប្រឹក្សាខេត្ត​ក្រុមប្រឹក្សាក្រុង-ស្រុក

២-ការពិភាក្សាលើការធ្វើបច្ចុប្បន្នភាពរចនាសម្ព័ន្ធគណបក្ស​យុវជន​នឹងការៀបចំចលនាស្រ្តី

៣-ការពិភាក្សាលើការទទួលខុសត្រូវតាមឃុំ​របស់សមាជិកក្រុមប្រឹក្សាខេត្ត​ក្រុង-ស្រុក

៤-ផ្សេងៗ

​​​​បន្ទាប់ពីបពា្ចប់កិច្ចប្រជុំ​គណបក្សខេត្តក៏បានរៀបចំកម្មវិធីពិសារអាហារថ្ងៃត្រង់រួមគ្នា​ដើម្បីអបអរសាទរក្នុងពិធីបុណ្យភ្ជុំបិណ្យផងដែរ។​កម្មវិធីនេះមានការចូលរួមឧបត្ថមពី​ឯកឧត្តម​យន្ត​ថារូ​ប្រធានគណបក្សខេត្ត​លោក​កែរ​សម្ផស្ស​លោក​ឱម​ឈុនគ្រុយ​លោក​តូច​ថឹង​លោក​ឈិន​រិន​លោក​ចៅ​វាសនា​ លោក​ ហឿង ឡាំ នឹងសមាជិកក្រុមប្រឹក្សាខ្លះទៀត​។

-ការប្រជុំក្រុមប្រឹក្សាគណបក្សឃុំអូរបីជាន់

កាលពីថ្ងៃសៅរ៍​ ទី០៥​ ខែកញ្ញា​ ឆ្នាំ២០០៩​ ថ្នាក់ដឹកនាំ​គណបក្សខេត្ត​បានប្រជុំសំណេះសំណាលជាមួយសមាជិក​ក្រុមប្រឹក្សាបក្សឃុំ​នៅភូមិជោគជ័យ​ឃុំអូរបីជាន់​ស្រុកអូរ​ជ្រៅ។​អង្គប្រជុំបានលើកឡើងអំពីការបែងចែកកាទទួលខុសត្រូវរបស់សមាជិកក្រុមប្រឹក្សាឃុំ​ការធ្វើបច្ចុប្បន្នភាពរចនាសម្ព័ន្ធ​គណបក្ស​ការចុះពិនិត្យបញ្ជីឈ្មោះនឹងការចុះឈ្មោះបោះឆ្នោត​ព្រមទាំងបានដោះស្រាយបញ្ហា​នឹងសំណូមពររបស់អង្គប្រជុំ។​អង្គប្រជុំបានបញ្ចប់ប្រកបដោយភាពភាពស្និទ្ធស្នាល​និងការប្តេជ្្ញាចិត្តដ៏មុះមុតរបស់អង្គប្រជុំ។